Бос жұмыс орындары

Вакансия туралы

Лауазымның мақсаты мен негізгі міндеттері:

1. Несиелеу бөлімінің тиімді жұмысын ұйымдастыру;
   
2. Қаржыландыру жоспарының орындалуын және индикативтік жоспарлардың орындалуын қамтамасыз ету;
   
3. Қаржыландыруға берілген өтінімдердің уақтылы әрі сапалы қаралуын бақылау.
   

Біліміне қойылатын талаптар:

• жоғары экономикалық, қаржылық немесе заңгерлік білім (шағын/орта/ірі бизнесті несиелеу саласында кемінде 5 жыл жұмыс тәжірибесі болған жағдайда).
  

Жұмыс тәжірибесіне қойылатын талаптар:

• қаржы ұйымдарында, ұлттық компанияларда, халықаралық компанияларда немесе мемлекеттік қызметте құрылымдық бөлімшенің қызмет бағыты бойынша расталған жұмыс тәжірибесімен кемінде 3 жыл еңбек өтілі;
  
• басшылық лауазымда кемінде 2 жыл жұмыс тәжірибесі.
  

Лауазымдық міндеттерді орындауға қажетті білімдер:

1. Лауазымның мамандану бағытына сәйкес салалардағы қатынастарды реттейтін Қазақстан Республикасының нормативтік құқықтық актілері;
   
2. «Аграрлық несие корпорациясы» АҚ (бұдан әрі – Қоғам) қызметіне қатысты нормативтік және әдістемелік материалдар;
   
3. Несиелеу бөлімінің қызметіне қатысты жұмыс тәртібі (қағидалар, құжаттар, іс-шаралар);
   
4. Экономика негіздері, қаржылық талдау, ауыл шаруашылығы өндірісін ұйымдастыру негіздері;
   
5. Қоғамның ішкі нормативтік құжаттары;
   
6. Мемлекеттік тілді білу;
   
7. ISO 9001 халықаралық стандартының талаптарын білу.
   

Жеке қасиеттері:

• көп міндеттілік жағдайында жұмыс істей алу және стресске төзімділік;
  
• қарым-қатынас жасау қабілеті;
  
• нәтижеге бағдарлану;
  
• ауызша және жазбаша сауатты сөйлеу;
  
• жұмысты жоспарлау және басымдықтарды айқындай білу;
  
• қажетті ақпаратты жылдам таба білу;
  
• белсенді өмірлік ұстаным;
  
• үздіксіз өзін-өзі дамытуға ұмтылу;
  
• клиентке бағдарланғандық.
  

Функционалдық құзыреттері:

• Бөлімге жүктелген міндеттер мен функционалдық міндеттердің орындалуын басқару және бақылауды жүзеге асыру қабілеті;
  
• жетекшілік ететін бағыт бойынша тиімділікті арттыруға қатысты сараптамалық қорытынды жасап, нақты ұсыныстар әзірлей білу;
  
• деректерді кең көлемде жинау және жан-жақты талдау дағдылары;
  
• тиімді презентация өткізу және іскерлік қарым-қатынас жасау қабілеті;
  
• ішкі нормативтік құжаттардың жобаларын әзірлей білу;
  
• клиенттердің шағымдары мен наразылықтарын қарау және олармен жұмыс істеу дағдылары.