Бос жұмыс орындары

Вакансия туралы

Бос лауазымның атауы: «Өнеркәсіпті дамыту қоры» АҚ-ның тәуелсіз директоры

Компанияның атауы: «Өнеркәсіпті дамыту қоры» АҚ Директорлар кеңесі (бұдан әрі – Қоғам)

1. Тәуелсіз директорға қойылатын жалпы талаптар

1.1. Директорлар кеңесіне тәуелсіз директор болып сайлануға кандидат:

1.1.1. Қазақстан Республикасының «Акционерлік қоғамдар туралы» Заңына сәйкес тәуелсіз директордың анықтамасына сәйкес келуге тиіс.

1.1.2. Қызметінің көлемі мен сипаты ұқсас Қоғамға тән негізгі мәселелер бойынша жалпы ақпаратты меңгеруге, ұқсас салада/секторда халықаралық тәжірибеге және кандидатурасы ұсынылғанға дейінгі кемінде 2 (екі) жыл кәсіби тәжірибеге ие болуға, сондай-ақ төмендегілерді түсінетінін көрсетуге тиіс:

1. Қоғамға
       қатысты Қазақстан Республикасының заңнамасында белгіленген талаптарды;
   
2. ұлттық
       және халықаралық нарықтардағы бәсекелестік ортаны.
   

1.1.3. Корпоративтік басқару және тұрақты даму қағидаттарын білуге тиіс.

1.1.4. Іскерлік және/немесе салалық ортада мінсіз беделге/оң жетістіктерге ие болуға тиіс. Кандидаттың өмірбаянында экономикалық қызмет саласында қылмыс жасағаны, сондай-ақ кәсіпкерлік қызмет саласында әкімшілік құқық бұзушылық жасағаны туралы фактілер болмауға тиіс.

1.1.5. Директорлар кеңесінің жұмысына тек Директорлар кеңесінің отырыстары кезінде ғана емес, сонымен қатар Директорлар кеңесінің отырыстарына арналған материалдарды тиісті түрде зерделеу үшін де жеткілікті уақыт бөлуге тиіс.

1.1.6. Бір мезгілде төрт және одан да көп заңды тұлғаның Директорлар кеңесінің мүшесі болмауға тиіс.

1.1.7. Соңғы үш жыл ішінде Қоғамның аффилиирленген тұлғасы, сондай-ақ Қоғамның аффилиирленген тұлғаларына қатысты аффилиирленген тұлға болмауға және олардың лауазымды тұлғалары – аффилиирленген тұлғаларымен бағыныстылық қатынастарда болмауға тиіс; соңғы үш жыл ішінде Қоғамның аудиторы болмауға тиіс.

1.1.8. Жыл сайын өзінің тәуелсіздігін растау рәсімінен өтуге және тәуелсіз директор мәртебесінен айырылған жағдайда Қоғамды хабардар етуге тиіс.

2. Арнайы талаптар

2.1. Қаржы, аудит және бақылау саласындағы мамандар болып табылатын тәуелсіз директор лауазымына кандидаттарға қойылатын арнайы талаптар

2.1.1. Экономика және/немесе қаржы саласында жоғары білімінің, сондай-ақ қаржылық менеджмент/қаржылық талдау/бухгалтерлік есеп/салық салу/аудит/тәуекелдерді басқару саласында қосымша білімі/кәсіби сертификатының болуы.

2.1.2. Мамандығы бойынша кемінде 7 жыл жұмыс тәжірибесінің болуы.

2.1.3. Қаржы ұйымдарында/холдингтік құрылымдарда/мемлекеттік органдарда/халықаралық қаржы ұйымдарында/қаржылық қызметтерді реттеу саласында басқару органдарында немесе атқарушы органдарда кемінде 3 жыл жұмыс тәжірибесінің және/немесе қаржылық аудит/комплаенс-менеджмент қызметтерін көрсету жөніндегі ұйымдарда басқару органында/атқарушы органда жұмыс тәжірибесінің/басшы/серіктес ретінде тәжірибесінің болуы.

3. Міндеттерді орындауға қажетті жеке және іскерлік құзыреттер

• Міндеттерді
      орындау кезінде адалдық пен парасаттылық.
  
• Қаралатын
      мәселелер бойынша объективті, тәуелсіз пікір қалыптастыру қабілеті.
  
• Шешім
      қабылдау кезінде толық хабардар болу және қажетті құжаттар мен
      материалдарды жан-жақты зерделеу қабілеті.
  
• Директорлар
      кеңесінің және оның комитеттерінің жұмысына белсенді әрі кәсіби қатысу.
  
• Қабылданатын
      шешімдердің тәуекелдері мен ықтимал қолайсыз салдарын бағалай білу.
  
• Іскерлік
      этиканың жоғары стандарттары.
  
• Корпоративтік
      жанжалдардың алдын алу және оларды реттеу қабілеті.
  
• Қоғамның
      және тұрақты даму қағидаттарының мүддесі үшін әрекет ету қабілеті.
  
• Корпоративтік
      басқару, тәуекелдерді басқару, қаржы және аудит, тұрақты даму мәселелерін,
      сондай-ақ Қоғам қызметінің салалық ерекшелігін түсіну.
  
• Негізгі
      мүдделі тараптармен белсенді диалог жүргізу қабілеті.
  

4. Жұмыс шарттары

Жұмысқа қабылдау нысаны: шарт бойынша

5. Директорлар кеңесінің құрамына кандидаттарды іріктеу кезінде мынадай факторлар ескеріледі:

1. басшылық
       лауазымдардағы жұмыс тәжірибесі;
   
2. Директорлар
       кеңесінің мүшесі ретіндегі жұмыс тәжірибесі;
   
3. еңбек
       өтілі;
   
4. білімі,
       мамандығы, оның ішінде халықаралық сертификаттарының болуы;
   
5. бағыттар
       мен салалар бойынша кемінде 2 жыл құзыреттерінің/басшылық тәжірибесінің
       болуы (салалар активтер портфеліне қарай өзгеруі мүмкін);
   
6. іскерлік
       беделі;
   
7. тікелей
       немесе ықтимал мүдделер қақтығысының болуы;
   
8. «Сертификатталған
       директор» директорының кәсіби сертификатының болуы.
   

6. Директорлар кеңесіне мына тұлға сайлана алмайды:

1. Қоғаммен
       бәсекелес заңды тұлғаның қатысушысы, атқарушы органының басшысы, басқару
       органының мүшесі немесе қызметкері болып табылатын;
   
2. бұрын
       сыбайлас жемқорлық қылмыс жасаған;
   
3. Қазақстан
       Республикасының заңнамасында белгіленген тәртіппен өтелмеген немесе
       алынбаған соттылығы бар;
   
4. мәжбүрлеп
       тарату немесе акцияларды мәжбүрлеп сатып алу туралы шешім қабылданғанға
       дейінгі бір жылдан аспайтын кезең ішінде немесе белгіленген тәртіппен
       банкрот деп танылған басқа заңды тұлғаны консервациялау туралы шешім
       қабылданғанға дейінгі кезеңде осы басқа заңды тұлғаның Директорлар
       кеңесінің төрағасы, атқарушы органының бірінші басшысы, бірінші басшысының
       орынбасары, бас бухгалтері болған. Аталған талап тиісті шешім қабылданған
       күннен бастап бес жыл ішінде қолданылады;
   
5. Қоғамның
       Жалғыз акционерінің өкілі болып табылатын Директорлар кеңесінің мүшесін
       қоспағанда, бір мезгілде төрт және одан да көп заңды тұлғаның Директорлар
       кеңесінің мүшесі болып табылатын;
   
6. Қоғамның
       Жалғыз акционерінің өкілі болып табылатын Директорлар кеңесінің мүшесін
       қоспағанда, бір мезгілде екіден астам заңды тұлғаның Директорлар кеңесінің
       төрағасы болып табылатын.
   

Сондай-ақ ішкі аудит қызметінің, комплаенс қызметінің қызметкерлері және Корпоративтік хатшы Директорлар кеңесінің мүшелері бола алмайды.

Атқарушы органның басшысын қоспағанда, атқарушы органның мүшелері Директорлар кеңесіне сайлана алмайды. Атқарушы органның басшысы Қоғамның Директорлар кеңесінің төрағасы болып сайлана алмайды.

Тәуелсіз директор лауазымына конкурсқа қатысуға ниет білдірген кандидаттар  электрондық поштасына мына құжаттарды жібереді:

1. қоса
       берілген үлгіге сәйкес конкурстық іріктеуге қатысу туралы кандидаттың
       өтініші;
   
2. кандидаттың
       жеке басын куәландыратын құжаттың көшірмесі;
   
3. қоса
       берілген нысанға сәйкес кандидат туралы мәліметтер.
   

Құжаттарды қабылдау мерзімі: 2026 жылғы 27 тамызды қоса алғанда.